Vinstri og hægri höndin.

Skömmu eftir að fjármálakreppan skall á, ákváðu stjórnvöld að rýmka inntökuheimildir í H.Í fyrir vorönn 2009. (vinstri höndin). Hárrétt viðbrögð miðað við aðstæður.  Nokkrum vikum síðar ákveða sömu stjórnvöld að skera niður framlög til H.Í. (hægri höndin).  Það hefur aldrei þótt kunna góðri lukku að stýra þegar vinstri höndin veit ekki hvað sú hægri gjörir.

Bloggið

Ég hef lengi haft óbeit á bloggi og bloggurum.  Mér hefur þótt þetta afar hallærislegt og heimskulegt fyrirbrigði og ljóður á annars ágætri tækni sem netið er.  Heimskulegastar eru þó athugasemdarfærslurnar við fréttir!

Það kom því vel á vondan þegar ég innritaði mig í Háskóla Íslands að mér var gert að halda úti bloggsíðu, sem hluta af skilduverkefnum í ,,Upplýsingatækni í skólastarfi´´.  Ég er því undir það búinn að taka á móti skömmum og svívirðingum frá reyndum bloggurum, en vonandi þó frekar vel rökstuddum athugasemdum um mikilvægi bloggsins.


« Fyrri síða

Innskráning

Ath. Vinsamlegast kveikið á Javascript til að hefja innskráningu.

Hafðu samband